Makakulba ang tradisyon nga gihimo sa usa ka Pest Control Company sa nasud Japan, diin tanan mga empleyado magtigom sa Myodoji Temple sa Ako City aron i-ampo nila ang ilang mga gipangpatay nga insekto alang sa ilang mga produkto.
Miabot sa 60 ka mga empleyado ang nagtambong sa maong seremonyas diin nisulod sila sa usa ka templo nga dunay mga hulagway sa mga piste nga ilang gipamatay sama nalang sa lamok, garapata, langaw, ug mga ok-ok diin giila sa maong kompanya nga usa ka importante nga bahin sa history ang mga insekto.
Nasayran nga mokabat sa 1 milyon nga mga ok-ok ug 100 milyon nga mga garapata nga ginagamit sa ilang eksperimento sulod sa ilang pasilidad ug matod ni Tomihiro Kobori, Chief of Research, nga ang paghalad niining gagmay nga mga binuhat dili angay baliwalaon ug kahibaloan nga upat na ka dekada ilahang gibuhat ang maong seremonya diin gihatagan nila ug pagkahinungdanon ang mga piste nga ilang napatay.
Photo Courtesy:Japan Forward
