Gihatagan og pagtugot sa Konseho sa Syudad sa Iligan ang usa ka ordinansa nga gisugyot ni Konsehal Providencio Abragan Jr., Chairperson sa Committee on Laws and Good Governance, nga nagtangtang sa City Ordinance No. 25-2630, Series of 2055, ug naglatid og bag-ong pamaagi sa pag-grade ug pagdumala sa Iligan City Public Employment Service Office (PESO).
Pinaagi sa maong ordinansa, ang PESO himuon nang bulag ug independente nga departamento sa kagamhanan sa siyudad. Lakip sa mga probisyon ang paghimo og bag-ong mga posisyon, pagtakda og makatarunganon ug klarong mga katungdanan, pag-usab sa istruktura sa organisasyon ug workforce, ug paglatid sa responsibilidad sa matag opisina.
Naglakip usab kini sa pag-apruba sa pondo alang sa implementasyon ug uban pang may kalabutan nga mga katuyoan.
Sumala ni Konsehal Abragan, ang maong lakang usa ka pagtuman sa nasudnong balaod nga nagmando nga ang Public Employment Service Office/ kinahanglan mag-operate isip usa ka independente ug awtonomong yunit aron mas epektibo nga makahatag og serbisyo sa katawhan.
Photo courtesy to: City Government of Iligan
