Walay holiday si Presidente Ferdinand R. Marcos Jr., ang Department of Budget and Management (DBM), ug uban pang mga opisina sa gobyerno kon gikinahanglan, aron masiguro nga ang 2026 National Budget mapasar ug mapirmahan sa dili pa matapos ang kasamtangang tuig.
Sumala ni Communications Usec. Claire Castro, sigurohon sa presidente nga ang 2026 national budget hingpit nga tun-an sa dili pa kini hingpit nga mapirmahan. Dugang pa sa opisyal, kini bisan pa man limitado ang oras nga nahabilin sa dili pa matapos ang 2025.
Matod pa niya nga si Presidente Marcos Jr. determinado sa pagsiguro nga ang mga probisyon sa gisugyot nga badyet nahiuyon sa mga prayoridad sa administrasyon ug adunay klaro nga mga benepisyo alang sa katawhan.
Bisan tuod ang badyet gitarget nga mapatuman sa dili pa matapos ang 2025, giklaro sa Malacañan nga ang Presidente dili magduha-duha sa pag-veto sa mga probisyon nga giisip nga dili tawhanon, dili maayo, o dili uyon sa mga tumong sa gobyerno.
Photo Courtesy to: Wikimedia Commons
