Gipailawom sa profiling sa Department of Labor and Employment (DOLE) Zamboanga del Sur ang mokabat sa 855 ka mga child laborer parents nga anaa sa probinsya sa tuig 2025.
Sa gipresentar ni DOLE 9 Regional Director Albert E. Gutib, nanguna sa ilang listahan nga adunay pinakataas nga kab-otonon nga target ang Zamboanga del Norte, gisundan sa Zamboanga Sibugay, Zamboanga del Sur, Zamboanga City ug Isabela City.
Gisaysay ni RD Gutib, ang kinatibuk-ang breakdown sa ilang target profiling sa tibuok rehiyon mosumatotal ngadto sa 3, 794 nga mga child laborer parents.
Dugang pa, sa tulo ka probinsya ug duha ka syudad, ang Isabela City, Zamboanga del Sur ug Zamboanga City lang ang nakakab-ot sa siento porsyento gikan sa target nga child laborer profiling.
Samtang ang Zamboanga del Norte ug Zamboanga Sibugay nagpadayon pa sa ilang pagpahigayon sa profiling gumikan sila ang adunay pinakadaghang child laborer.
Apan malaumon si RD Gutib nga sa dili pa matapos ang tuig 2025 matapos na ang pag-profile sa mga child laborer sa maong probinsya aron sila hingpit nang makaassess ug makahatag sa gikinahanglan nila nga programa.
Photo Courtesy to:
