Patay ang usa ka 3-anyos nga batang lalaki human kini nalumos sa Barangay Lumbal Port, Vincenzo Sagun, Zamboanga del Sur, niadtong nakalabay nga adlaw.
Sa inisyal nga imbestigasyon, ang maong bata katapusang nakit-an nga nagdula sa silingang balay samtang ang inahan niini naglaba.
Gituohan nga mi-ambak ang bata sa tubig samtang nakigdula sa iyang ig-agaw ug napalgan na lang pipila ka oras ang lawas sa bata nga naglutaw sa tubig nga wala nay kinabuhi.
Dali nga gitabang sa nagpakabanang mga indibidwal ang maong bata ug gi-report ngadto sa Vincenzo Sagun Municipal Police Station ang hitabo.
Walay nakitang foul play sa kamatayon sa biktima human nahiling sa doctor ang lawas sa bata.
Samtang, nanawagan ang kapulisan sa publiko nga tun-an ang pagmaigmat sa pagbantay sa mga kabataan kung may katubigan nga nakapalibot sa lugar.
Photo Courtesy to: PD ZSPPO, PRO 9
