Nakabulsa og duha ka bulawan nga medalya ug tulo ka silver medal ang 19-anyos nga Pinay triathlete nga si Kira Ellis sa Southeast Asian (SEA) Games 2025.
Sa pagtapos sa torneyo, nakakuha si Ellis og lima ka medalya tungod sa impresibong performance sa lima ka managlahing event nga iyang giapilan. Nakuha ni Ellis ang duha ka bulawang medalya sa team events nga women relay ug mixed team relay.
Katapusan niyang nakuha ang usa ka silver medal sa iyang giapilan nga women’s individual event, usa ka adlaw human siya makasinati og food poisoning samtang anaa sa SEAG.
Una nang nakakuha og bulawang medalya si Ellis niadtong 2023 Cambodia Games sa aquathlon event. Samtang nakasalmot na usab siya sa European Triathlon Junior Cup karong tuiga ug nidaog sa lumba sa record nga 1 ka oras, 5 ka minuto, ug 7 ka segundo. Naglaom ang Pinay triathlete nga mahimo usab siyang kabahin sa Team Philippines nga mosalmot sa Los Angeles Olympics sa 2028.
Photo Courtesy to: The Pilipino Mirror
