Gipahigayon ang Peace Forum for Geographically Isolated and Disadvantaged Areas and Communities sa Brgy. Mainit Gym, Nabunturan, Davao de Oro Disyembre 19, 2025.
Gitambongan ang maong kalihukan sa mga kanhing miyembro sa armadong grupo gikan sa 28 ka barangay sa maong lungsod.
Sumala ni PLTCOL Gomersendo L. Diwata II, Chief of Police sa Nabunturan Municipal Police Station, Gipangunahan ang kalihukan sa lokal nga panggamhanan aron hatagan og higayon ang mga nanambong nga ipadayag ang ilang mga gustong ipaabot ug mga panginahanglan nga buot nilang maangkon, ilabi na karong panahon sa Kapaskohan ug sa pag-abot sa Bag-ong Tuig
Gi-awhag usab niya ang mga anaa pa sa kabukiran nga naglihok ug nakigbisog alang sa ilang mga prinsipyo ug baruganan, nga supak sa pagdumala sa balaod ug sa panggamhanan, nga mobalik na sa pagsubay sa husto ug maayong dalan ug motuman sa mga balaod sa nasud.
