Patay ang tulo ka tawo human gipangdunggab sa usa ka lalaki sa central Taipei, Taiwan, samtang namatay usab ang suspetsado human miambak sa building dihang gigukod sa mga pulis. Giingong gisulayan pagpahunong sa mga police ang suspetsado apan miambak kini ug namatay sa lugar.
Base sa inisyal nga imbestigasyon nasayrang ang insidente nagsugod sa dihang gibiyaan sa suspetsado ang usa ka smoke bomb sa main train station sa syudad, hinungdan sa kalisang ug temporaryo nga pagkalangan sa operasyon dayon mibalhin sa duol nga subway station nga nahimutang sa busy shopping district.
Sulod sa tren, ang suspetsado nanunggab sa daghang mga pasahero nga walay pili sa wala pa moresponde ang mga awtoridad diin ang mga biktima gidala dayon sa ospital, apan tulo ang gideklarar nga patay.
Sumala pa ang suspect aduna nay criminal record ug pending warrant of arrest sa wala pa mahitabo ang insidente.
Wala pa sab gipagawas ang identidad sa suspetsado samtang ang mga detalye gi-verify.
via: TMZ
