Pakyas si Filipino boxing legend Nonito Donaire sa pag-ilog sa World Boxing Association (WBA) bantamweight belt. Kini human siyang gipildi ni Seiya Tsutsumi sa away nga gipahigayon sa Ryogoku Sumo Arena sa Tokyo, Japan.
Duha ka judges ang miiskor og 115-113 ug 117-111 pabor kang Tsutsumi samtang ang ikatulong judge miiskor niini og 116-112 pabor kang Donaire. Ang resulta nagtimaan sa pagtapos sa paghari ni Donaire isip interim champion sa WBA ug unang malampusong depensa ni Tsutsumi.
Giangkon sa Japanese boxer, nga kusog ang hook ni Donaire apan nakalikay siya niini. Sa sayong bahin sa away, kontrolado sa Pinoy boxer ang away, diin iyang gipaulanan og mga sumbag si Tsutsumi sa ikaupat nga hugna.
Mibangon ang Japanes boxer sa ikalimang hugna ug nipakita og pipila ka kusog nga mga sumbag kang Donaire.
Photo Courtesy to: Ring Magazine
