Ipahigayon na sugod Enero 19 hangtod Pebrero 13, 2026 ang Measles Rubella Supplemental Immunization Activity (MR-SIA), alang sa mga kabataan nga nag edad og 6 ka bulan hangtod 5-anyos.
Kini ang gibutyag ni Leah Dominguez Reformado, RN ang Health Education and Promotion Officer sa DOH SOCCSKSARGEN, atol sa programang “Talayakan para sa ating Kalusugan” sa Department of Health 12.
Sumala pa, nga bisan pa og kompleto sa bakuna ang usa ka bata o dili, basta sulod lamang sa age limit kinahanglan gayud mabakunahan, tungod dugang proteksyon kini ug nagataas ang kaso sa tipdas ug german measles, hinungdan nga kinahanglang maprotektahan ang mga kabataan.
Dugang pa, nga makuha ang maong sakit sa hangin hinungdan nga daling matapdan ang mga kabataan niini ug gikan sa usa ka kaso mamahimong mokatag kini sa 12 hangtod sa 18 nga kaso.
Matod pa ni Reformado, nga ang sintomas niini mao ang ubo, kalintura, sore eyes ug rashes.
Ang measles rubella nagtumong sa duha ka makatakod nga viral nga sakit, measles o tigdas ug rubella o German measles, nga kasagarang ginabantayan sa mga health authorities tungod dali kini motakod, labi na sa mga wala nabakunahan.
Photo Courtesy to: DOH-Center for Health Development Soccsksargen Region
