Imbes magpa-ospital aron magpatambal apan nadakpan sa kapulisan ang usa ka 20-anyos nga lalaki human kini nakuhaan ug pakete sa druga sa mga kapulisan samtang nagpa-ospital sa Salug Valley Medical Center, niadtong nakalabayng adlaw.
Sa inisyal nga imbestigasyon sa kapulisan, una sila nga nakadawat ug taho nga may pagpamusil nga natala sa Purok Bandera, Barangay Dalaon, Molave, Zamboanga del Sur, hinungdan ilaha kini nga girespondihan.
Sa ilang pagresponde, nasuta sa kapulisan nga gidala na ang biktima sa tambalan human gipusil makatulo ka higayon sa 37-anyos nga suspetsado nga taga Barangay Maloloy-on, Molave, Zamboanga del Sur igo sa wala matumbok nga parte sa lawas.
Apan sa diha nga ipailawom na unta sa medical examination ang biktima gimanduan kini sa hospital staff nga ipakuha ang mga personnel belongings adiser mopailawom sa X-ray apan usa ka pakete sa druga ang gikatahong nahulog gikan sa iyang pitaka hinungdan siya gi-aresto sa kapulisan.
Human ma discharged ang biktima sa hospital gidala dayon kini sa kapulisan ngadto sa Molave Municipal Police Station alang sa dokumentasyon.
Samtang padayon pa sab nga naglusad ug hot pursuit operation ang kapulisan alang sa posibleng pagsikop sa suspetsado aron mapasakaan sa kasong Attempted murder.
Photo Courtesy to: BusinessWorld Online
