Nagpadayon ang Provincial Health Office (PHO) sa Bukidnon sa pag-monitor sa mga kalihokan nga may kalabutan sa pag-andam sa pagkaon sa panahon sa pagsugat sa Kapaskohan ug Bag-ong Tuig.
Sumala ni PHO Health Education and Promotion Officer Ms. Avril C. Bughaw, sa pakighinabi sa Juander Radyo Malayalay kada adlaw nagpahimangno ang buhatan pinaagi sa offline ug online educational campaigns bahin sa pagmatngon sa epekto sa pagkaon sa lawas, labina kung sobra ang konsumo niini.
“Dili makalimtan ang pag-inom sa tubig, nga maoy pinakamaayo nga pang-detox sa lawas gikan sa sobra nga pag-inom sa mga alcohol, juices, soft drinks sa mga parties igonman sa mga pagkaon sa tam-is ug mantikaon” Dugang pa ni Bughaw
Gitambagan usab ang mga ginikanan nga bantayan ang ilang mga anak aron dili magdula ug mga watosi, piccolo, ug uban pang mga pabuto, tungod kay ang polbora niini mahimong hinungdan sa food poisoning kung masagol sa pagkaon.
Dugang pa, nagkahiusa ang Department of Health, Provincial Health Office, ug PDRRMO sa pag-monitor sa palibot, karong holiday season aron masiguro ang kaluwasan sa tanan.
via: PHO
