Patay ang unom ka tawo human nahagsa ang gisakyan nga eroplano sa North Carolina, Estados Unidos, nga gikumpirma sa lokal nga mga awtoridad.
Ang mga biktima sakay sa usa ka Cessna C550 nga nahagsa samtang nagkaduol sa Statesville Regional Airport. Sumala sa inisyal nga mga taho, ang insidente nahitabo pipila ka gutlo sa wala pa kini gikatakda nga molanding sa airport.
Gikumpirma sa Director sa Statesville Airport nga si John Ferguson nga ang eroplano iya sa negosyante ug kanhing NASCAR driver nga si Greg Biffle, apan wala pa gipagawas ang mga identidad sa mga biktima samtang naghulat sa pormal nga pagpahibalo sa ilang mga pamilya.
Tungod sa pagkahagsa ug pagka sunog, ang Statesville Regional Airport temporaryo nga gisirhan aron tugotan ang mga operasyon sa pagluwas ug paglimpyo. Gipatuman ang mga protocol sa kaluwasan hangtod nga ang mga salin sa nasunog nga eroplano hingpit nga nakuha gikan sa runway area.
Nagpadayon ang mga awtoridad sa pag-imbestiga sa hinungdan sa aksidente. Ang mga imbestigador gilauman nga manguna sa usa ka hingpit nga pagsusi aron mahibal-an kung ang kondisyon sa eroplano, kondisyon sa panahon, o uban pang mga hinungdan nakatampo sa trahedya.
Ang tagdumala sa airport nagpaabot sa ilang pahasubo sa mga pamilya sa mga biktima
via: THE BOSTON GLOBE
