Gipamatud-an pag-usab sa taga-Valencia City Bukidnon nga atleta Sarah Dequinan nga ang talento ug determinasyon sa mga Valencianos makaabot sa internasyonal nga lebel, human niya makuha ang bronze medal sa heptathlon sa 2025 Southeast Asian (SEA) Games nga gipahigayon sa Thailand.
Pinaagi sa kinatibuk-ang 5,201 puntos, napalig-on ni Dequinan ang iyang posisyon isip usa sa labing banggiitang atleta sa heptathlon.
Ang iyang kalampusan dako’g gisaulog sa iyang team, uban ni Team Coach Dario, nga midayeg sa iyang pagkamakanunayon, disiplina, ug lig-on nga espiritu sa pakigbisog sa pito ka event sa heptathlon.
Kini nga kadaugan usa ka dakong garbo alang sa Dakbayan sa Valencia, tungod kay mao kini ang ika-upat nga sunod-sunod nga SEA Games podium finish ni Dequinan—usa ka pamatuod sa iyang padayon nga kaandam, kalig-on, ug dedikasyon sa natad sa athletics.
via: Valencia Youth Develompent
