Opisyal nang gipromote ang 433 ka personnel sa Police Regional Office 13 (PRO13) atol sa oath-taking, donning, ug pinning of ranks ceremonies nga gihimo niadtong nakalabay nga adlaw, sa PRO13 Headquarters sa Camp Col. Rafael C. Rodriguez, Butuan City, ug sa lain-laing police provincial offices sa tibuok Caraga Region.
Gipangulohan ang kalihukan ni Police Brigadier General Marcial Mariano P. Magistrado IV, Regional Director sa PRO13, isip kabahin sa Philippine National Police Calendar Year 2025 Continuous and Regular Promotion Program.
Ang bag-ong mga promote nga personnel naglakip sa:
7 Police Lieutenant Colonels
6 Police Majors
8 Police Captains
1 Police Lieutenant
4 Police Executive Master Sergeants
93 Police Chief Master Sergeants
32 Police Senior Master Sergeants
63 Police Master Sergeants
66 Police Staff Sergeants
188 Police Corporals
Sa iyang mensahe, gipadayag ni General Magistrado ang pagpasalamat ug pag-congratulate sa mga awardees sa pag-abot sa bag-ong milestone sa ilang propesyonal nga karera. Gihatagan usab niya og pag-ila ang mga pamilya sa personnel tungod sa ilang suporta ug sakripisyo.
Gipahimangnoan usab niya ang tanan nga ang promosyon nagdala og mas dako nga responsibilidad, ug gi-emphasize ang panginahanglan sa mas lig-on nga commitment ug mas maayong serbisyo alang sa padayon nga kalinaw, kahapsay, ug seguridad sa publiko sa rehiyon.
Photo courtesy: PRO13
