Giingon ni Senator Imee Marcos nga obligasyon sa Senado nga imbestigahan ang alegasyon sa 18 ka former military personnel nga niangkon nga naghatag sila og mga maleta nga kwarta sa lain-laing opsiyales gikan kang former Congressman Zaldy Co.
Segon ni Imee, bisan pa ug lisod tuohan ang claim nga Php805 billion ang nadeliver sa sulod lang sa duha ka tuig, giingon ni Marcos nga importante nga matagaan ug tsansa ang mga testigos nga ma-explain ang ilang alegasyon. Ang imbestigasyon dili lang para sa public interest, kundi para protektahan pud ang reputasyon sa mga napasanginlan.
Sa laing bahin, si Senator Panfilo Lacson nagpahayag nga duda siya kung physically possible ba ang tanan nga delivery sa cash. Gi-explain niya nga ang 1 million pesos motimbang ug 1 kilo, busa ang Php805 billion ≈ 805 thousand ka kilo, nga giingong grabe ka bug-at ug lisod buhaton sa tanang delivery, counting, ug packing sa kwarta sa duha lang ka tuig.
Bisan pa man niini, giklaro ni Lacson nga wala niya gi-discredit ang mga testigos, pero kinahanglan nga i-evaluate ang credibility ug reliability sa mga sources. Samtang nag-file si Marcos og resolution para sa official Senate investigation aron masuta ang kamatuoran sa alegasyon.
Photo Courtesy: Philippine News Agency
