Nangayo og pasaylo ang first lady sa France nga si Brigitte Macron human mikatag ang video nga nagtawag siya og “stupid b*tches” sa mga aktibista, nga mipukaw og kusog nga backlash gikan sa mga feminist groups ug sa social media.
Nangayo siya og pasaylo kon adunay nasakitan, apan giingon nga pribado ang pahayag ug wala siya magbasol niini.
Ang pahayag gihimo niadtong Disyembre 7 sa likod sa entablado atol sa iyang pakig-estorya kang actor ug comedian Ary Abittan, nga kaniadto giakusahan og rape apan wala pormal nga gikasuhan.
Ang mga aktibista nga nanggubot sa maong comedy show nagsul-ob og maskara nga may nawong ni Abittan ug may nakasulat nga pulong ‘rapist’, samtang nagsinggit sila og mga akusasyon batok kaniya.
Human ma-upload ang video, mikatag sa social media ang hashtag #SalesConnes, nga gigamit usab sa ubang iladong personalidad. Bisan pa sa paningkamot sa opisina sa first lady nga ipasabot ang pahayag isip usa ka porma sa kritisismo, wala mihupay ang reaksyon, hinungdan nga nanawagan ang usa ka feminist collective og publikong pasaylo.
Ang insidente nahitabo taliwala sa padayon nga mga isyu sa France may kalabotan sa rape ug sexual assault allegations batok sa mga bantugang personalidad, nga labi pang nabantayan sukad sa #MeToo movement.
Photo Courtesy to: CNN
