Nagpagawas ang Civil Service Commission (CSC) og giya sa bag-ong Wellness Leave (WL) alang sa mga empleyado sa gobyerno, nga epektibo 15 ka adlaw human sa publikasyon sa polisiya.
Ilawom sa polisiya, mahimong hatagan ang mga empleyado og hangtod lima ka adlaw nga Wellness Leave matag tuig, nga lahi ug bulag sa vacation ug sick leave, ug mahimong gamiton para sa mental health, physical wellness, o pahulay gikan sa trabaho.
Sakop ang tanang government employees—permanent, temporary, contractual, ug casual—lakip ang mga naa sa NGAs, GOCCs nga naay original charter, LGUs, ug state universities and colleges.
Giklaro sa CSC nga ang WL dili kuhaon tanan sa usa ka higayon; mahimo ra kini sunod-sunod hangtod tulo ka adlaw o buwag-buwagon sulod sa tuig. Kinahanglan isumite ang aplikasyon lima ka adlaw sa wala pa gamiton ang leave, gawas kon emerhensiya.
Ang WL dili maipon, dili mahimong cash, ug mawagtang kon dili magamit sulod sa tuig. Ang pag-apruba magdepende sa ahensya ug sa panginahanglan sa serbisyo. Para sa COS ug Job Order workers, magdepende ang availment sa ilang kontrata.
Matod sa CSC, ang polisiya nagpalig-on sa kahimsog sa public workforce samtang ginatiman ang padayon nga serbisyo publiko.
SOURCE: PNA
