Anaa na sa 85.51 porsyento ang nakab-ot nga kinatibuk-ang natala sa mga kabataang magtutungha sa Grade 7 nga nabakunahan sa Measles-Rubella, Tetanus-Diptheria sa gilusad nga roll-out sa School Based Immunization (SBI).
Sa datos nga gipresentar sa IPHO Zamboanga del Sur, adunay siyam ka mga munisipalidad ang nakakab-ot sa target diin nanguna ang San Miguel, Ramon Magsaysay,Dumingag, Josefina, Pitogo, Vincenzo Sagun, Bayog ug Tigbao.
Samtang adunay pito ka lungsod ang wala makakab-ot sa target apan milabaw sa katunga ang nabakunahan nga gilangkuban sa lungsod sa Tukuran, Lakewood, Dimataling, Aurora, Margosatubig, Kumalarang, ug Midsalip.
Samtang ang lungsod sa Tabina ang nag-inusara nga wala makatunga gikan sa target nga bakunahan nga Grade 7 students naa anaa lang sa 48.55 percent.
Sa kinatibuk-an anaa lang sa 13, 745 ang nahatagan ug bakuna sa Measles Rubella, ug 13, 914 ang nahatagan sa bakuna nga Tetanus Diptheria nga mga Grade 7 students sa tibuok lalawigan.
Photo Courtesy to: DOH Zamboanga Peninsula
