Gihangyo sa syudad sa Cagayan de Oro, pinaagi sa usa ka resolusyon ang mga department strores ug shopping malls nga lugwayan ang ilahang mall hours karong holiday season, atol sa ulahing regular nga sesyon sa konseho alang karong tuiga.
Kini aron na sab mas taas ang panahon sa mga mall goers ug magpamilya nga manuroy sulod sa mall aron mukaon ug maglingaw. Lakip sab sa gitumong niini nga ma-manage ang hugot nga dagat sa trapiko.
Tungod na hisgutan man ang problema sa bug-at nga dagan sa trapiko panahon sa peak hours labi na karong nagsingabot nga holiday season, iyahay sab sa pagpaabot ang mga konsehal sa ilahang mga sugyot nga makatabang diha sa pagdumala sa dagan sa trapiko.
Unang gisugyot ni Konsehal Yvy Emano nga magkonsulta og mga certified traffic engineers aron nga mas ma-estudyuhan ug mapangitaan og maayong traffic scheme ang nag-unang mga kadalanan aron nga dili manghuot.
Samtang gipanghingusgan sab ni Konsehal Maximo Rodriguez III ang total ban sa mga dagkong sakyanan sa nag-unang kadalanan sa syudad gikan alas siete sa buntag hangtod alas siete sa gabie karong holiday season.
Photo courtesy: Project LUPAD
