Gipahigayon sa Municipal Disaster Risk Reduction and Management Office sa lungsod sa Munai ang lima ka adlaw nga Basic Life Support (BLS) ug Standard First Aid Training gikan Disyembre 8 hangtod 12, 2025.
Ang maong kalihokan gipangunahan sa MDRRMO sa pakigtambayayong sa Rural Health Unit ug Lokal nga Pangagamhanan sa Munai, nga tumong ang pagpalig-on sa kahibalo ug abilidad sa mga personnel sa hustong pagtubag sa medikal nga emerhensya ug mga katalagman.
Gisuportahan ang programa ni Mayor Racmama Andamama, nga nagpakita sa iyang padayong commitment sa kaluwasan ug kahimsog sa katawhan pinaagi sa disaster preparedness ug capacity-building initiatives.
Naghatag og teknikal nga tabang ug hands-on training ang mga eksperto gikan sa Amai Pakpak Medical Center, Gregorio T. Lluch Memorial Hospital, ug Iligan City DRRMO. Gibutyag nga ang maong pagbansay nagpausbaw sa kaandam ug kahanas sa mga partisipante sa pag-atubang sa nagkalain-laing medikal nga emerhensya ug kalamidad.
Photo courtesy to: MDRRMO Munai
