Gibutyag sa Pag-IBIG Fund Iligan City Branch, ang mga detalye kabahin sa 4Ps o Pambansang Pabahay Pilipino Program, usa ka housing program sa gobyerno nga ipatuman pinaagi sa Pag-IBIG Fund aron makahatag og tinuoray nga benepisyo sa katawhan.
Matod ni Efren Endriga III, Marketing Specialist nga padayon ang buhatan sa Pag-IBIG Fund sa pagpalambo ug pagpatuman sa nagkalain-laing programa nga mapahimuslan sa tanang myembro, ilabina kadtong wala pa makabaton og kaugalingong balay.
Gidugang niya nga ang 4Ps housing program usa ka espesyal nga pribilehiyo alang sa mga kwalipikadong myembro sa Pag-IBIG Fund nga first-time homebuyers.
Samtang, ang mga myembrong makasugod dayon sa aplikasyon mahimong makapahimulos sa early bird promo, diin ang unang 30 ka borrowers pagahatagan og espesyal nga subsidies.
Sumala pa ni Endriga, usa kini ka dakong oportunidad alang sa mga myembro sa Pag-IBIG Fund ug usa ka klarong pamatuod sa paningkamot sa gobyerno sa paghatag og konkretong serbisyo ug matinud-anong tabang sa katawhan.
Photo Courtesy to: lessndra.com.cph
