Patay ang labing menos siyam (9) ka tawo ug halos onse (11) pa ang samaran human gipamusil sa duha ka armadong lalaki ang mga sibilyan sa Bondi Beach, Australia adlaw’ng Domingo, Disyembre 14.
Sumala sa taho sa kapulisan, anaa na sa ilang kustodiya ang mga suspetsado, diin ang usa anaa sa kritikal nga kondisyon human naigo sa bala sa pakigpinusilay sa mga awtoridad.
Kalabot niini, naghatag og pamahayag sa internet si Prime Minister Anthony Albanese, ug gitawag ang panghitabo nga usa ka “makapakurat ug makapabalaka.”
Sa pagkakaron, wala pay gipagawas nga impormasyon ang mga awtoridad mahitungod sa rason sa insidente samtang nagpadayon ang imbestigasyon.
Ang nahitabong pagpamusil ang pinakabag-o nga natala nga mass shooting sulod sa 29 ka tuig.
Photo courtesy: ABC NEWS
