Aduna nay mga suspek ang Matalam Municipal Police Station, sa insidente sa pagpamusil sa lain-laing lugar sa Matalam, Cotabato, kini ang gibutyag sa Chief of Police nga si PLTCOL Arniel Melocotones.
Sumala pa, nga sa unang insidente niadtong Nobyembre 29 sa Sitio Lambayao, Barangay Kibia, aduna nay suspek nga wala gibutyag ang identidad sa PNP ug ginaandam na ang ipasaka nga kaso.
Sa laing bahin, niadtong Disyembre 1, usa ka pagpamusil na usab ang nahitabo sa Barangay Kilada asa usa ka driver sa topdown nga adunay kargang baboy ang gipusil patay ug lauman usab nga ipasaka na sa otoridad ang kaso.
Kahinumduman, nakahatag kini og kahadlok sa mga tawo sa lugar sa sunod-sunod nga insidente sa pagpamusil, apan aduna nay lakang o estratihiya ang mga otoridad, aron malikayan ang mga susamang insidente sa naasoy nga munisipyo.
Photo Courtesy to: PRO 12 Matalam Police Station CPPO
