Napakyas ang usa sa kawatan sa tinguha niini nga makapangawat sa usa ka establishemento sa Puerto Princesa City, Palawan human nga giatake kini sa iro og gipaak sa tiil.
Base sa report sa Puerto Princesa City Police Office, naila ang suspetsado nga si alyas Angelo kinsa residente sa sa Negros Oriental.
Base sa inisyal nga imbestigasyon sa kapulisan, nasayran nga wala mahibal-i sa kawatan nga adunay binuhi nga iro sa maong establishemento. Dugang pa nga gisulayan sa maong lalaki nga mudagan apan na-corner kini sa iro rason nga napaakan kini.
Tungod niini, nakamata ang tag-iya ug gilayong nasikop ang maong suspek kinsa posibleng mag atubang ug kasong pagpangawat.
Samtang gikustodiya na kini sa Puerto Princesa City Police Office alang sa pormal nga dokumentasyon ug tukmang disposisyon.
Photo for illustration credits to: Leerburg
