Nasorpresa ang libo-libong fans sa Indian social media sensation nga si Suraj Chavan, nga nailhan usab sa media nga “the most handsome man in India” ug “the Justin Bieber of India,” human niyang pakaslan ang iyang dugay nang higala sa pagkabata nga si Sanjana Gophane niadtong Nobyembre 29, 2025.
Gipahigayon ang kasal duol sa Pune, diin gisagol ang tradisyonal nga Indian wedding rites ug usa ka modernong reception nga puno sa musika, kahayag ug sosyal nga selebrasyon.
Daghan sa iyang mga followers ang nalipay ug nagpakita dayon og suporta sa dihang nipakita sa social media ang mga hulagway sa bag-ong magtiayon. Nag-viral ang mga litrato ug video, uban sa mga mensahe sa pag-congratulate para sa duha.
Si Suraj ug Sanjana, nga nagsugod pa og pagkahigala sukad pagkabata, gidayeg sa netizens tungod sa ilang “love story nga mura’g salida” ug sa ilang pagpadayon sa relasyon hangtod sa pagkaminyo sa tunga sa kasikatan ni Suraj.
Gilauman nga magpabilin ang public interest sa couple samtang mosugod sila sa ilang bag-ong kapitulo sa kinabuhi isip magtiayon.
SOURCE: BOYS PLAYROOM
