Nagdeploy ang gobyerno sa Tanzania og daghang pulis ug sundalo aron mapugngan ang hulga sa mga protesta sa adlaw nga pagsaulog sa ilang Independence Day.
Gipahimangnoan sa awtoridad ang publiko nga dili magpundo sa kadalanan, ug gidasig silang magpabilin sa balay aron malikayan ang posibleng kagubot.
Matod pa sa ilang mga opisyal, nga ang bisan unsang protesta nga uyon sa selebrasyon sa ilang kagawasan gikan sa Britanya niadtong 1961 giisip nga hulga sa seguridad ug posibleng hinungdan sa usa ka kudeta.
Midangat usab ang tensiyon human sa presidential ug parliamentary elections niadtong Oktubre 29, diin milutaw ang madugong kapintasan tali sa mga grupo sa politika.
Gatosan ka mga tawo ang namatay sa maong kasamok, nga nagpasamot og kalisod sa kahimtang sa nasod.
Padayon nga nagmonitor ang militar ug kapulisan sa Tanzania aron masiguro ang kahapsay ug seguridad samtang nagpaabot ang nasod sa posibleng dugang nga kalihokan sa mga kritikal nga lugar.
Photo Courtesy to:BBC
