Gisugyot ni Senador Lito Lapid nga magpatuman ug suspensyon sa excise tax sa mga produktong petrolyo. Sa giduso sa senate bill 1522 sa senador, tumong niini aron amyendahan ang national internal revenue code.
Nakalatid sab nga mahimo nang awtomatiko ang suspensyon sa excise tax sa regular gasoline, unleaded premium gasoline ug diesel kung sobra na ang pagtaas sa presyo niini ug mga kakulangan sa suplay.
Tumong niini nga makunhuran ang epekto sa pagtaas sa presyo sa mga produktong petrolyo sa konsyumer ug mga industriya, ipaubos ang inflationary pressure, ug suportahan ang economic stability.
Sa kasamtangang balaod, mahimo nga suspendehon ang excise tax kung moabot na sa $80 per barrel ang presyo sa Dubai Crude apan nag-expire ang maong probisyon niadtong 2020.
Photo Courtesy to:Philippine News Agency
