Usa ka dakong sunog ang nakapatay sa 22 ka tawo ug nakaangol og dosena pa sa Jakarta, Indonesia diin ang mga biktima naglakip sa mga empleyado nga nangaon sa ilang paniudto niadtong higayona.
Giingong mibuto ang baterya sa drone diin ang maong building gipanag-iya sa usa ka kompanya nga nailhan sa pagbaligya ug pag-assemble sa mga baterya sa drone nga dali masunog ug sensitibo kung dili husto ang pagtipig o sobra sa pag-charge.
Ang mga saksi nag-ingon nga usa ka kusog nga pagbuto ang nadungog sa wala pa ang sunog nga daling mikaylap sa ikaduhang andana. Dali kini gisundan sa baga nga aso nga nagpalisod sa mga empleyado sa pagbakwit.
Ang mga bombero naglisod sa pagresponde kung asa mikabat sa duha ug tunga ka oras aron hingpit nga mapalong ang kalayo.
Samtang, ang pulisya sa Jakarta misusi sa mga kuha sa CCTV, mga rekord sa pagmentinar sa bilding, ug ang imbentaryo sa battery storage niini.
via: RNZ
