Nabalaka ang daghang fans sa FPJ’s Batang Quiapo human mitungha ang report nga basin mohunong ang serye sa Enero 2, 2026, mas sayo kaysa sa orihinal nga plano nga Pebrero o Marso 2026.
Ang impormasyon migikan sa usa ka kolum ug miresulta sa dakong kabalaka sa viewers sa hit teleserye.
Sumala sa usa ka insider, posibleng gisayo ang ending mao nga adunay pipila ka karakter ang mihawa na sa serye.
Misamot ang isyu human giputol sa TV5 ang TV Content Supply Agreement sa ABS-CBN niadtong Disyembre 4, ning tuiga tungod sa wala nabayran nga mga obligasyon.
Apan giingon sa ABS-CBN nga wala nila gituyo ang pagka delay sa bayad nga resulta sa pagkawala sa franchise nga nakapakunhod sa ilang kita.
Sa kasamtangan wala pay kumpirmasyon ang production team sa Batang Quiapo nga gipanguluhan ni Coco Martin nga maoy bida sa maong serye.
Photo courtesy: ABS-CBN
