Giangkon ni Enrique Gil nga single pa siya karon ug wala pa siyay kapuli sa iyang ex nga si Liza Soberano. Kini iyang giklaro atol sa presscon sa MMFF entry nga Manila’s Finest nga siya ang bida.
Niingon ang aktor nga nanghinaot siya nga sunod tuig 2026 makakita na siya og bag-ong uyab.
Misamot ang tsismis sa iyang lovelife human silang makita sa actress–beauty queen nga si Franki Russell sa usa ka beach resort sa Panglao, Bohol niadtong Septyembre. Apan iyang giingon sa media nga walay romantic relationship nga nahitabo.
Matud pa ni Enrique, “Kung moabot, moabot gyud na,” ug open siya sa posibilidad sa bag-ong gugma.
Photo courtesy to :Instagram
