Midoble ang natala nga pagsaka sa Department of Labor and Employment (DOLE) Region 9 nga unemployment rate sa tibuok Zamboanga Peninsula Region sa tuig 2025.
Matod ni DOLE 9 Regional Director Albert E. Gutib sa nakalabayng tuig ang unemployment rate anaa sa 2.8 percent apan sa karon misaka na ngadto sa 5.6 percent.
Samtang iya usab nga gipaambit nga mas misaka ang ihap sa mga katawhan ngall underemployed, gikan sa 108,000 nga karon anaa na sa 324,000 ka mga indibidwal.
Alang ni RD Gutib, usa ka dakong hagit ang grabeng pagsaka sa walay trabaho ug nakulangan sa sweldo nga mga indibidwal hinungdan sila nagtanyag pa ug dugang pang mga programa.
Samtang gipaambit ni RD Gutib nga karon daghang programa sa ilang buhatan ang ila pang gitanyag aron pahimuslan sa pipila ka indibidwal nga nagkinahanglan ug trabaho.
