Dakpan ang giilang Top 6 Most Wanted Person City level pinaagi sa gilusad nga operasyon sa kapulisan sa Purok Farmers, Barangay Olingan, Dipolog City, Zamboanga del Norte niadtong nakalabay nga adlaw.
Giila ang dinakpan nga si Naomi Bacot Mata, 44-anyos, babaye , usa ka vendor ug residente sa of Purok Bayabas, Barangay Bethlehem, lungsod sa Polanco, Zamboanga Del Norte.
Gisikop ang suspetsado pinasikad sa warrant of arrest sa 4 ka ihap sa kasong Qualified Trafficking in Persons nga gipagula sa Family Court, 9th Judicial Region, Branch 3, Dipolog City pinetsahan ug Disyembre 2, 2025 nga gibitbit sa mga personahe sa Dipolog City Police Station nga walay girekomendar nga pyansa.
Samtang sa pagkakaron anaa na sa Dipolog CPS ang dinakpan alang sa tukmang disposisyon.
