Gidugang sila Allen Liwag, Robert Bolick, ug Justin Chua sa Gilas Pilipinas aron makompleto ang Final 12 alang sa pagdepensa niini sa 33rd Southeast Asian Games basketball gold medal.
Kini sumala sa listahan sa Philippine Olympic Committee (POC) sa mga atleta nga moapil sa biennial showcase, sugod adlawng Huwebes.
Sama sa miaging mga semana, ang listahan mahimo pa gihapon nga mausab samtang naghulat sa clearance gikan sa Thailand SEA Games Organizing Committee.
Ang listahan sa Gilas Pilipinas alang sa SEA Games daghang beses nga giusab tungod sa kalibog sa mga lagda sa eligibility (pagka-kwalipikado). Kini miresulta sa pagkatangtang sa listahan sa mga naturalized players nga sila Justin Brownlee ug Ange Kouame.
Ang uban pang mga magdudula sama nila Remy Martin, Mike Phillips, Kymani Ladi, ug Brandon Ganuelas-Rosser gikuha usab sa team tungod sa mga isyu sa eligibility.
Photo courtesy: Unsung Hero
