Nayabo ang kargang mga bugas sa usa ka Prime Mover truck with trailer human nawad-an ug balanse ang driver nga nagmaneho niini sa National Highway, Purok 4, Barangay Maragang, Tigbao, Zamboanga del Sur, kagahapon, Disyembre 2, 2025.
Ang maong truck gimaneho sa usa ka 31-anyos nga lalaki nga taga Guitoan, Ipil, Zamboanga Sibugay. Karga sa maong sakyanan ang 1,600 ka mga bugas humay nga nahurot kayabo human na lost brake ang sakyanan sa kurbadahong bahin.
Mi-overturn ang maong sakyanan hinungdan sa pagkayabo sa karga ug gani pipila ka mga sako usab ang nahulog ubos sa tulay.
Luwas ra ang driver samtang minor injuries ang naangkon sa 25-anyos nga truck man nga si Anthony residente sa Barangay Del Monte, Buug, Zamboanga Sibugay.
Dali nga miresponde ang BFP Tigabo ug MDRMMO aron makahatag ug first aid sa nagkinahanglan.
