Gipahibalo ni Heather Brent, tigpamaba sa San Joaquin County Sheriff’s Office atol sa usa ka briefing nga mokabat sa 4 ka mga indibidwal ang namatay samtang 10 usab ang nasamdan sa nahitabong pagpamusil sa Stockton sa amihanang California niadtong Sabado.
Matod pa ni Stockton Vice Mayor Jason Lee nga ang insidente nahitabo pasado alas 6:00 sa gabii atol sa usa ka birthday party sa usa ka bata sa ice cream shop. Samtang gikumpirma usab sa mga otoridad nga kasagaran sa mga biktima naglakip sa mga menor de edad ug mga hamtong.
Dugang ni Brent nga sa karon nagpabilin gihapon nga gawasnon ang suspek ug wala pa kini nadakpan. Samtang padayon pa usab ang kapulisan sa pagpahigayon ug imbestigasyon aron nga masuta ang motibo ug ang suspek sa maong pagpamusil.
Sa pikas bahin, nakahibalo na usab ang Gobernador sa California nga si Gavin Newsom kabahin sa maong insidente.
Photo Courtesy to:PNA
