Dungan sa pagsaulog sa Mindanao Week of Peace 2025, gipanawagan sa nagkalain-laing relihiyosong pondok ang transparensiya ug accountability sa panggobyerno tungod na sa nagahitabong wala tuong eskandalo sa korapsyon.
Sumala pa ni Bishop Felixberto Calang sa Iglesia Filipina Independente nga kung magpadayon ang mga politiko nga korap diha sa pagsiguro sa ilahang kaugalingong interes ug pagsalikway sa panginahanglan sa katawhan, wala’y kalinaw nga mahitabo.
Matod ni Bishop Calang nga tungod sa sistematikong problema sa korapsyon labing gikinahanglan ang katilingbanong pagbag-o ug usa ka pamaagi niini ang pagpabalik sa peace talks tali sa gobyerno ug mga armadong grupo sa nasud nga naglunsad og rebolusyon.
Saysay sa Obispo nga angay tun-an pag-ayo nganong adunay nahitabong gubat tungod dili makab-ot ang kalinaw kung dili tugkaron ang ugat hinungdan sa armadong panagsangka.
Samtang malaumon ang simbahan, nga adunay maayong kaugmaon ang katawhang Pilipino kung mapadayon ang peace talks.
