Gihingusgan na sa Lokal nga Kagamhanan sa Iligan, pinaagi sa Local School Board ug Department of Education (DepEd), ang ilang preparasyon alang sa National Literacy Award (NLA) 2026. kini atol sa bag-ohay lang nga Literacy Coordinating Council (LCC) Meeting sa DepEd Iligan.
Nunot niini gidasig sa DepEd Region 10 ang siyudad sa Iligan nga moapil sa maong kompetisyon, labi na kay hingpit na karon ang operasyon sa Literacy Coordinating Council sa syudad.
Ang NLA nagtumong sa pag-ila sa mga lokal nga inisyatibo nga nagpalambo sa literacy, edukasyon, ug kalambuan sa komunidad diin tinguha sa Iligan City nga makasugod niini pinaagi sa maayong plano ug preparasyon.
Ang LCC sa Iligan magpadayon sa pag-coordinate sa mga programa ug pagtigom sa gikinahanglan nga datos aron masiguro nga andam ang siyudad sa pag-apil ug mahimong competitive sa National Literacy Award sa Disyembre 2026.
Photo Courtesy to:PIA
