Brutal nga gitigbas sa makadaghan nga higayon ang usa ka lalaki sa hait nga hinagiban nga maoy hinungdan sa iyang hinanaling kamatayon, pasado alas 3 sa hapon kagahapong adlawa sa Sitio Talisay, Brgy. Talus, Malungon, Sarangani Province.
Giila ang biktima nga si “Alyas Vic”, 45-anyos, residente sa naasoy’ng lugar. Samtang ang suspek mao si “Alyas Edmon”, 30-anyos, taga Sitio Bagong Silang Cawayan.
Subay sa report, samtang naglingkod ang biktima sa tindahan sa iyang bayaw, giingong niagi ang suspek nga nagbitbit og ‘bihag’ nga manok gikan sa sabungan. Giingnan matod pa sa biktima ang suspek ug dalo ug gibaharan pa kini nga dili na paagihon sa ilang lugar human gibalibaran ang biktima nga pangayoon ang bihag nga manok.
Paglabay sa usa ka minuto, nibalik ang suspek ug nagdala sa hait nga sundang og way langan gitigbas ang biktima sa makadaghang higayon. Tungod sa daghang samad tinigbasan, ang biktima gideklarar nga dead on arrival sa balay tambalanan.
Sa pagkakaron nasikop na ang suspetsado sa mga awtoridad samtang giandam na ang kaso alang tukmang lakang.
Photo Courtesy to:Rendon
