Gipaimbistigahan na sa hepe sa Pagadian City Police Station, ang mga facebook account nga nagpakatag sa pagpost sa social media bahin sa “Bomb Jokes” sa Pagadian City.
Sa pakighinabi sa Juander Radyo News Team kang Chief of Police LTCol. Jerwin Cagurin, nagpasalamat kini sa unang report nga ilang gisubay sa miaging adlaw nga negative sa explosibo ang bag nga gibilin sa usa ka bangko sa syudad.
Gidugang pa ni LTCol. Cagurin human sa “bomb scare” sa bangko, sunod-sunod nga nahitabo sa miaging adlaw. Samtang kagahapon adunay nagpakatap og “bomb joke” sa wala pa matumbok nga individual nga adunay bomb treat sa Plaza, Covered Court, Pilot School, Infirmary Hospital apan sa pag-verify sa PNP-EOD/K9 Group, parehong negative sa bomba ang maong mga dapit.
Kini nga post sa social media makahimo matod pa og kahasol og nadoble ang trabaho sa kapulisan apan sa gihapon insakto hinuon ang ilang personnel sa pagmintinar sa kahapsay kalinaw sa mga kalihukan sa syudad.
Sa karon, naghangyo si Cagurin sa publiko sa pagsumbong sa ilang buhatan kon may impormasyon nga nahibaluan kabahin sa nagpost og bomb-joke.
Gipaniguro niini, nga pabiling confidential ang identity sa tanang motaho o mo-report kanila bisan pinaagi sa pagkontact sa messenger o sa ilang hotline aron kini mapasakahan og kaso.
