Patay ang upat ka tao samtang samaran ang 10 ka indibidwal sa nahitabong mass shooting incident sa Stockton, California.
Sumala pa sa San Joaquin County Sheriff’s Office nga adunay bata nga nakabsan ug kinabuhi sa nahitabong insidente.
Base sa imbestigasyon sa kapulisan nga aduna gipahigayon nga panagtipon ang usa ka grupo ug kalit silang gipabuthan ug pusil sa mga wala pa mailhing suspetsado.
Daling miikyas ang mga suspek sa wala matinong direksyon ug nagpadayon pa ang manhunt operation sa otoridad aron masuta ang motibo sa nahitabong shooting incident.
Photo Courtesy to: The Hill
