Misaka ang global nga pag-smuggle og tigre, diin kasagaran siyam ka tigre matag bulan ang narekober sa kalibutan sulod sa miaging lima ka tuig, base sa ulahing report sa wildlife watchdog nga TRAFFIC. Matod sa grupo, nagkadako ug nagkakomplikado ang kriminal nga network sa illegal tiger trade, nga mas paspas mo-adjust ug mo-usab og taktika kaysa sa mga lakang sa konserbasyon. Kung sa una kapin 100,000 ang wild tigers sa kalibutan, karon 3,700 hangtod 5,500 na lang ang nabilin.
Gipakita sa datos nga mas daghan na ang nadakpan nga buhi o tibuok nga tigre, indikasyon nga nag-usab ang pamaagi sa trafficking. Posibleng hinungdan niini ang captive-breeding facilities, mas dali nga pagka-intercept sa mga gipangpatay nga tigre, o misaka nga demand para sa exotic pets ug taxidermy.
Sa “Skin and Bones” series sa TRAFFIC, natala ang 2,551 ka seizures nga naglangkob og labing menos 3,808 tigre gikan 2000 hangtod tunga sa 2025. Gisugyot sa report ang mas lig-on nga international cooperation ug intelligence-led operations aron mabungkag ang network sa mga kriminal nga grupo nga nagmaneho sa illegal trade chain.
SOURCE: APNEWS
