Gipili si Roger Federer, usa sa pinakasikat ug pinakamaayo nga tennis players sa kalibutan, aron ilakip sa International Tennis Hall of Fame sa Agosto 2026 sa Newport, Rhode Island.
Sa iyang karera, nakadaog si Federer og 20 Grand Slam titles ug 103 career titles sa wala pa siya mi-retiro niadtong 2022. Nakapabilin usab siya sa world number one ranking sa sulod sa 237 ka semana, ug nakaabot og 310 ka semana tanan sa ATP ranking, usa ka rekord nga nagpamatuod sa iyang kahusayan sa tennis.
Niingon si Federer nga dako kaayo nga dungog ang pagkahimong kabahin sa Hall of Fame ug mapasalamaton siya sa respeto ug suporta nga iyang nadawat gikan sa tennis community sa tibuok kalibutan.
Ilado usab siya sa iyang rivalry batok nila Rafael Nadal ug Novak Djokovic, nga nailhan isip “Big Three” sa modernong tennis. Sa iyang pahayag, giingon ni Federer nga excited siya nga mobalik sa Newport sa sunod tuig aron selebrarhon ang espesyal nga higayon.
Ang pag-apil ni Federer sa Hall of Fame nagtimaan sa usa ka bantugang karera nga puno sa kahusayan, dedikasyon, ug inspirasyon alang sa mga tennis fans sa tibuok kalibutan.
via: FORBES
