Kabsan sa kinabuhi ang usa ka Pinay Worker sa dihang milabang sa dalan ug na hit-and-run niadtong Lunes, Nobyembre 24 pasado alas 12:30 sa udto didto sa Adachi Ward sa Tokyo, Japan.
Base sa report sa Metropolitan Police Department, giila ang biktima nga si Gladys Grace Rotaquio Testado, 28-anyos kinsa trabahante sa Philippine nationality.
Base sa inisyal nga imbestigasyon, sa dihang patabok ang biktima sa dalan kalit kining gibanggaan sa usa ka sakyanan nga kusog ang dagan ug nadamay usab ang laing upat pa ka mga tawo duol sa sidewalk.
Lakip usab sa namatay ang usa ka biktima nga si Kenji Sugimoto, 81 anyos samtang siyam ka mga tawo nga nagpangidaron ug 10 hangtod 70 anyos ang naangol.
Human sa maong insidente, daling gidakop ang suspek nga usa ka 37-anyos nga lalaki nga gituohang nagmaneho sa sakyanan nga gidudahang iyang gikawat.
Sa pagkakaron ang dinakpan anaa na sa kustodiya sa kapulisan alang sa tukmang disposisyon ug dugang imbestigasyon.
Photo Courtesy to: Malago Forum
