Wala na kaikyas pa sa mga otoridad ang usa ka lalaki human nasikop atol sa gikasang hiniusang operasyon kontra illegal nga armas didto sa Caraga, Davao Oriental pasado alas 4:24 sa buntag niadtong nakalabay nga adlaw.
Gipatuman ang operasyon pinaagi sa pwersa sa mga personahe sa Davao Oriental MARPSTA, CIDG Davao Oriental Provincial Field Unit, 1103RD MC RMFB11 ug Caraga Municipal Police Station nga nagresulta sa pagkasikop ni alyas “Polding”, 33 anyos.
Gipakusgan usab sa Regional Maritime Unit 11, Davao Oriental MARPSTA ang ilang operasyon sa kampanya batok sa mga malapason sa balaod o paggukod sa mga wanted nga indibidwal. Nagpabilin usab ang pasalig sa unit sa pagpanalipod sa kaluwasan sa publiko ug pagpreserbar sa kalinaw sulod sa ilang Area of Responsibility (AOR).
Kini nga operasyon nagpakita sa ilang paningkamot sa usa ka mas lapad nga misyon sa pagpartuman sa balaod ug pagsiguro nga ang hustisya makaabot sa nanginahanglan.
Sa pagkakaron ang dinakpan anaa na sa kustodiya sa Caraga Municipal Police Station alang sa pormal nga dokumentasyon ug tukmang disposasyon.
Photo Courtesy to:Caraga Municipal Police Station
