Gihimakak sa Japan ang letter nga gipadala sa China ngadto sa United Nations nga nag-ingon nga nagbahad matod pa ang Tokyo og military intervention kabahin sa isyu sa Taiwan.
Sumala sa Japan, ang akusasyon sa Beijing walay basihanan ug walay igong kamatuoran.
Ang maong pamahayag tubag ni Japanese UN Ambassador Kazuyuki Yamazaki sa sulat nga gipadala niadtong Biyernes ni Chinese Ambassador Fu Cong ngadto kang UN Secretary-General Antonio Guterres.
Giakusahan ni Fu si Japanese Prime Minister Sanae Takaichi nga matod pa nakalapas sa international law human niya isulti sa ilang parliament meeting nga posibleng motubag ang Japan militarily kung atakehon sa China ang Taiwan.
Sa iyang tubag, gipamugos ni Yamazaki nga ang polisiya sa Japan nakapokus lamang sa “passive defense,” ug sayop ang pahayag sa China nga mogamit ang Japan og self-defense bisan walay direktang pag-atake batok nila.
Gidawat sa China nga grabe kaayo ang kadaot sa ilang trade cooperation tungod sa pamahayag ni Takaichi, ug sa pipila ka concert sa Japanese performers sa China kalit usab nga nakansela.
Samtang, giingon ni Takaichi niadtong Martes nga nakig-istorya siya kang U.S. President Donald Trump sa ilang unang tawag human miulbo ang tensyon sa China.
Sumala niya, giingnan siya ni Trump nga pwede niya kini tawagan bisan kanus-a, ug gi-explain usab sa U.S. leader ang kasamtangang kahimtang sa U.S.-China relations human sa pakigstorya ni Trump kang Chinese President Xi Jinping.
Samtang gibutyag ni Takaichi niadtong Martes nga nahinabi na niya si U.S. President Donald Trump sa ilang unang tawag human matapos ang tensyon sa China.
Segun kang Takaichi, gibutyag ni Trump nga mamahimo niya kining matawagan bisan unsang orasa ug gipasabot usab sa U.S. leader ang kasamtangang estado sa U.S.-China relations human ang panaghinabi ni Trump kang Chinese President Xi Jinping.
Wala pa usab mihatag sa iyang pamahayag si Trump kalabot sa kasuko sa Japan. Kahinumduman nga una nang gipamugos China nga kabahin sa ilang teritoryo ang Taiwan/ ug wala niini gipadaplin ang paggamit sa ug puwersa aron kini maangkon.
PHOTO COURTESY TO:RNA
