Nadakpan sa mga kapulisan ang duha ka mga individual human kini nakuhaan sa gituohang shabu atol sa gikasang Drug Buy-bust Operation didto sa Purok Datu Lumok, Barangay Poblacion, Lapuyan Zamboanga del Sur, kagahapong adlawa Novembre 26,2025 pasado alas 4:48 sa hapon.
Wala na pangalani sa PNP Lapuyan ang mga dinakpan nga gilangkuban sa usa ka 53-anyos ug 34-anyos, pulos Street Level Individual, Fishpond Caretaker, nga managsama nga residente sa Barangay Bualan, Kumalarang Zamboanga del Sur.
Ang operasyon gihimo sa pagpanguna sa Lapuyan Municipal Police Station, kauban sa RDEU-9 ug PDEA Region-9, samtang nakuha sa mga dinakpan ang duha ka putos sa gituohang shabu ug laing usa ka medium heat-sealed transparent plastic sachets sa gituohan gihapong shabu.
Lakip nga nakuha ang duha ka unit sa cellphone ug ang buy-bust money ingon man ang usa ka Honda Click single motor nga maoy gisakyanan sa mga akosado.
Sa karon ang tanan nga nakuhang ebidensya gidala na sa Zambonga del Sur Provincial Forensic Unit alang sa Quantitative ug Qualitative Examination.
Samtang ang mga dinakpan nakakustodiya na sa Lapuyan Municipal Police Station ug nakatakda usab nga pasakaan ug kasong may kalabutan sa Republic Act 9156 kon Comprehensive Dangerous Dugs Act of 2002.
