Gisiguro sa Bukidnon Provincial Police Office nga adunay Intelligence Network Unit aron tutukan ang seguridad sa mga media personalities ug truth crusaders nga posibleng matarget sa mga hulga o harassment gikan sa ilang mga kaaway o sa mga indibidwal nga dili uyon sa ilang gibutyag.
Gibutyag kini ni Captain Shella Joy Jangad, spokesperson sa Bukidnon PNP, atol sa eksklusibong pakighinabi sa Juander Radyo Malaybalay, labina sa konteksto sa bag-ong insidente sa Davao del Sur, diin gipusil ug namatay si Barangay Tres de Mayo Kapitan Oscar “Dodong” Bucol Jr.
Sumala pa ni Captain Jangad, ang espesyal nga yunit sa intelligence sa PNP mao’y moatiman sa mga kaso sa hulga batok sa mga personalidad nga nagbutyag sa confidential o sensitibong impormasyon nga posibleng moresulta sa delikado nga kahimtang sa kinabuhi, sama sa nahitabo sa kapitan ug uban pang media personnel nga gipatay sa wala mailhang mga suspetsado.
Gihimong hulagway niini nga kapeligro ang mga personalities sama nila: si Johnny Walker, radio announcer sa Calamba, Misamis Occidental, nga gipusil samtang nag-live sa iyang programa; si Luis Manuel, journalist sa Dominican Republic nga gipatay samtang nag-live broadcast; ug si Charles Kirk, CEO ug truth crusader sa tinuhoang Kristyanismo sa Estados Unidos, nga gipusil gamit ang sniper rifle samtang nagpahigayon ug forum sa usa ka tulonghaan.
Pinaagi sa Intelligence Network Unit, giingon sa PNP nga mas mapalig-on ang proteksyon sa mga media personnel ug truth crusaders aron malikayan ang susamang hitabo sa umaabot.
via: BUKPPO
