Nipahimangno ang Philippine Embassy sa Japan ngadto sa mga Filipino mahitungod sa national flu alert nga gideklara sa Japanese government. Kini taliwa sa nagpadayon nga pagsaka sa kaso sa influenza sa Japan.
Nipahinumdom ang embahada ngadto sa mga Pinoy nga anaa sa Japan nga magbinantayon sa ilang palibot ug panglawas. Ug kung ugaling makasinati kini og sintomas nga grabe, giawhag ang dali nga pagbisita sa labing duol nga medical facility.
Samtang tambag sa Philippine Embassy sa mga Pinoy nga nagplanong mobyahe paingon sa nasud sa Japan nga mokuha og travel insurance aron sa posibleng panginahanglang medikal.
Photo Courtesy to:Physio Talk
