Mipahibalo sa suspension sa tanang schedule sa ang mga organizers sa Cebu City Olympics 2025 tungod sa hulga sa daot nga panahon.
Gisuspenso ang tanang scheduled games sa Cebu City Olympics 2025 alang sa Nobyembre 24, human sa pasidaan sa posible nga grabe nga pag-uwan ug kusog nga hangin nga makapeligro sa kaayohan sa mga estudyanteng atleta ug mga personnel nga moapil sa kompetisyon.
Sumala sa opisyal nga pahibalo nga gi-release Lunes sa buntag, ang suspension naglangkob sa tanan nga outdoor ug indoor sporting events sa tanang venues sa syudad.
Gibuhat kini aron malikayan ang risgo nga dala sa weather disturbance nga kasamtangang nakaapekto sa pipila ka bahin sa Visayas.
Gimando usab sa organizers nga ang mga coaches ug delegations magpadayon sa pag-monitor sa sunod nga advisory sa Department of Education – Cebu City Division ug sa organizing committee.
Ilang ipahibalo dayon ang bag-ong schedule sa mga duwa, ug mga adjustment sa oras dihang maklaro na ang kahimtang sa panahon.
